കോഴിക്കോട്: എസ്.ഐ.ഒ സംസ്ഥാന സമ്മേളനത്തിന്റെ ഭാഗമായി Campus Manifesto for a new ‘WE’ എന്ന മുദ്രാവാക്യവുമായി സംസ്ഥാന പ്രസിഡണ്ട് പി.എം സാലിഹ് നയിക്കുന്ന കേരള കാമ്പസ് കാരവന് കാസര്‍ഗോഡ് എൽ.ബി.എസ് കോളേജ് പരിസരത്തുനിന്നും ഉജ്ജ്വല തുടക്കം. ജമാഅത്തെ ഇസ്‌ലാമി കേരള അമീര്‍ ടി. ആരിഫലി പതാക എസ്.ഐ.ഒ പ്രസിഡണ്ടിന് കൈമാറി. എസ്.ഐ.ഒ അഖിലേന്ത്യാ പ്രസിഡണ്ട് കെ.കെ സുഹൈല്‍ കാരവന് ഉദ്ഘാടനം ചെയ്തു. ഐ.എന്‍.എല്‍ ട്രഷറര്‍ എന്‍.എ നെല്ലിക്കുത്ത്, സാഹിത്യകാരന്‍ പ്രൊഫ. ഇബ്രാഹിം ബേവിഞ്ച, സാഹിത്യവേദി പ്രസിഡണ്ട് പി.എ അഹ്മദ്, സോളിഡാരിറ്റി ജന: സെക്രട്ടറി പി.ഐ നൗഷാദ്, എസ്.ഐ.ഒ ജന: സെക്രട്ടറി എസ്. ഇര്‍ഷാദ് തുടങ്ങിയവര്‍ സംസാരിച്ചു. കാരവന് നാലാം ദിസവത്തിലേക്ക് പ്രവേശിക്കുമ്പോള്‍ നിരവധി കാമ്പസുകളില്‍ ഉജ്ജ്വല സ്വീകരണമാണ് കാരവന് ലഭിച്ചത്. കാസര്‍ഗോഡ് എല്‍.ബി.എസ് എഞ്ചിനീയറിംഗ് കോളേജ്, നെഹ്‌റു കോളേജ് കാഞ്ഞങ്ങാട്, ശറഫ് കോളേജ് പടന്ന, സര്‍ സയ്യിദ് കോളേജ് തളിപ്പറമ്പ്, ബ്രണ്ണന്‍ കോളേജ് തലശ്ശേരി, കൃഷ്ണ മേനോന്‍ മെമ്മോറിയല്‍ വനിതാ കോളേജ് കണ്ണൂർ, മടപ്പള്ളി ഗവ: കോളേജ്, സി.കെ.ജി മെമ്മോറിയല്‍ കോളേജ് പേരാമ്പ്ര, സെന്റ് മേരീസ് കോളേജ് ബത്തേരി, ഡബ്ല്യ.എം.ഒ കോളേജ് മുട്ടിൽ, എം.എ.എം.ഒ കോളേജ് മണശ്ശേരി, മെഡിക്കല്‍ കോളേജ് കോഴിക്കോട്, ലോ കോളേജ് കോഴിക്കോട് എന്നിവിടങ്ങളില്‍ കാരവന് സ്വീകരണം ലഭിച്ചു. തലശ്ശേരി ബ്രണ്ണന്‍ കോളേജിലും മടപ്പള്ളി കോളേജിലും എസ്.എഫ്.ഐ പ്രവര്‍ത്തകരും സര്‍ സയ്യിദ് കോളേജില്‍ എം.എസ്.എഫ് പ്രവര്‍ത്തകരും കൈയ്യേറ്റം ചെയ്യാനും അലങ്കോലപ്പെടുത്താനും ശ്രമിച്ചു. കോഴിക്കോട് ലോ കോളേജില്‍ പോലീസ് ജാഥ തടഞ്ഞുവെച്ചു. പയ്യന്നൂർ, കുറ്റിയാടി, കല്‍പറ്റ എന്നിവിടങ്ങളില്‍ പൊതുസമ്മേളനം നടന്നു. കുറ്റിയാടിയിലെ സ്വീകരണ പരിപാടിയില്‍ ഘോഷയാത്ര, ചെണ്ടമേളം, പ്ലോട്ടുകള്‍ എന്നിവയടക്കം സ്ത്രീകളടങ്ങുന്ന വന്‍ ജനാവലി പങ്കെടുത്തു. കേരള കാരവന് സംഘം കണ്ണൂര്‍ യൂണിവേഴ്‌സിറ്റി വി.സി ഡോക്ടര്‍ മൈകിള്‍ തരകനുമായി കൂടിക്കാഴ്ച നടത്തി. ജമാഅത്തെ ഇസ്‌ലാമി കേന്ദ്ര ശൂറാംഗം ടി.കെ അബ്ദുള്ള സാഹിബിനെ വീട്ടില്‍ ചെന്നു സന്ദര്‍ശിച്ച് ഉപഹാരം കൈമാറി
No comments:
Post a Comment